1. شلون احصل على خط أوودي؟

تگدر تطلب توصيل للخط مباشرة من التطبيق. اختار المكان اللي تريد نوصلك الشريحة اله، اختار الوقت اللي يناسبك، ومن يقترب وقت التوصيل راح تگدر تتابع الطلب من التطبيق. إذا ردت تغير وقت التوصيل أو العنوان، تگدر تسويها بكل سهولة وسرعة من خلال التطبيق قبل لا يبدي وكيلنا الرحلة لتوصيل الشريحة. لا تهتم إذا راح الموعد راح تگدر تسوي مرة ثانية، وإذا ما گدرنا نوصل الك بعد محاولتين راح نضطر نلغي طلبك.

2. شنو هي أوودي؟

أوودي هي خدمة اتصالات وأسلوب حياة رقمي أطلقتها زين العراق (اثير للاتصالات المحدودة) في ايار 2021 لخدمة مستخدمي الخدمات الرقمية بأفضل صورة. من البداية الى النهاية، تگدر تتحكم بكلشي يتعلق بحسابك مباشرة من التطبيق، كلش سهل الحصول على خدمات أوودي واستخدامها. بأوودي نحب ننطيك حرية الاختيار، بعد متحتاج تتعب وتزور مراكز البيع، أوودي وفرتلك كلشي من الألف الى الياء، مع هدايا أكثر وجوائز أكثر ومفاجآت أكثر!

3. شگد صلاحية عروض افتح يا سمسم؟

يسعدنا اشتراكك بعروض افتح يا سمسم اللي بيها قسمين مختلفين!

القسم الأول هو العروض الأسبوعية المصممة حتى تلبي كل احتياجاتك، بفترات صلاحية مختلفة حتى تسهل عليك اختيار العرض اللي يناسبك، كلما يمر أسبوع راح يكون عدنا عرض جديد مميز!

بس هذا مو كلشي! بعد القسم الثاني اللي يتضمن مسابقات السوشيل ميديا، تابع صفحاتنا على السوشيل ميديا واشترك بالمسابقات حتى تحصل فرصة لربح جوائز كلش حلوة. والشي الأحلى! انه الكل يگدر يشارك بهاي المسابقات خلي اصدقائك واحبابك هم يشاركون وممكن كلكم تربحون.

من 23.03.2023 الى 29.03.2022: راح تگدر تستخدم كل مواقع التواصل الاجتماعي مجانا مثل الفيسبوك، الانستغرام، التيك توك، السناب چات، واليوتيوب.

حمل تطبيق أوودي هسه، اشترك بباقة الـ 20 ألف دينار أو أكثر ، بعدها استخدم الرمز الترويجي (SOCIAL) بالاعدادات حتى تفعل العرض، بعدما تفعله راح تگدر تبقى على تواصل ويه احبابك وتطلع على كل جديد بدون ما تفكر بالگيگات.

والأحلى! هذا العرض لمدة أسبوع كامل! يعني راح يكون عندك وقت كافي حتى تستفيد من العرض وتستمتع بتصفح مواقع التواصل الاجتماعي المفضلة عندك بدون انقطاع.

5. شنو تفاصيل خصم ليمونه؟

من 30.03.2023 الى 05.04.2023: خلال الأسبوع الثاني من رمضان، تگدر تستمتع بعرض الخصم المميز.

تسوق ويانه واحصل على خصم 3000 دينار من تشتري بقيمة 20 ألف دينار أو أكثر من ليمونه.

كلش سهل الاشتراك بهذا العرض – جدد باقتك أو اشتري باقة جديدة بقيمة 20 ألف دينار أو أكثر، راح تحصل على كود الخصم خلال أسبوع بعد شرائك للباقة، وراح تگدر تتسوق على مزاجك وتوفر فلوسك.

إذا كنت تريد تشتري اساسيات البيت أو أي شي ثاني، ليمونه هي الوجهة المثالية بالتسوق لكل احتياجاتك. ويه هذا الخصم المميز راح تگدر تشتري أكثر بسعر اقل بأحلى تجربة تسوق.

6. شنو هي تفاصيل عرض باقة هاي فايڤ الإضافية؟

من 06.04.2023  الى 12.04.2023: عرض مميز بالأسبوع الثالث من رمضان!

تگدر هسه تستمتع لمدة شهر بباقة هاي فايڤ الإضافية بدينار واحد بس، وراح تكون تجربة التواصل الخاصة بيك أسهل واحلى.

جدد باقتك بقيمة 15 ألف دينار او أكثر واختار باقة هاي فايڤ الاضافية حتى يتفعل العرض.

صلاحية هذا العرض راح تكون نفس صلاحية باقتك الأساسية، يعني راح تگدر تستمتع بالعرض حتى انتهاء صلاحية باقتك الاساسية.

7. شنو تفاصيل عرض الخصم من كريم؟

من 13.04.2023 الى 21.04.2023: عدنا اخبار حلوة الك بالأسبوع الأخير من رمضان!

تگدر تحصل على كود خصم 25% من كريم على رحلتك القادمة.

حتى تشترك بهذا العرض، جدد باقتك أو اشتري باقة جديدة بقيمة 20 ألف دينار أو أكثر، وراح تستلم كود الخصم خلال أسبوع من اشتراكك بالباقة، تكون صلاحية الكود شهر من تاريخ استلامه.

ويه كريم، راح تحصل على رحلة امنه ومريحة لوجهتك وين متكون، وويه هذا الخصم المميز راح تگدر توفر أكثر وتحصل الرحلة بسعر مناسب.

لا تنتظر! جدد باقتك أو انضم لأوودي هسه واختار باقة بقيمة 20 ألف دينار او أكثر واحصل على خصم 25% من كريم. أحسن طريقة تنهي بيها عروض رمضان وتوفر فلوسك لرحلتك الجاية.