Menu
عيش تجربة المستقبل ويه الـ eSIM – الشريحة الالكترونية اللي راح تأخذ مكان الشريحة العادية.
استمتع بسهولة استخدام أكثر من رقم بنفس الجهاز وسرعة التبديل بينهم
راح يكون تفعيل شريحتك سهل بمسح رمز الـ QR بس!
إذا كنت تريد تحصل على eSIM، تگدر بكل سهولة تحصلها من مراكز زين الرئيسية في بغداد
حاليا الـ eSIM متوفر في بغداد وقريبا راح يكون متوفر بكل محافظات العراق.
ويه سهولة استخدام الـ eSIM، راح تگدر تستخدم موبايلك بدون ما تحتاج الى شريحة، زور أقرب مركز مبيعات الك في بغداد واحصل على شريحتك الالكترونية اليوم!
الـ eSIM تعزز الأمان بحيث ارقامك الشخصية وأرقام العمل راح تنخزن كلها على شريحة رقمية، فراح تقلل احتمالية تخسر معلوماتك الشخصية وارقامك المهمة.
وهمين الـ eSIM تنطي مرونة وسهولة بعملية التبديل بين الأرقام.
بالإضافة الى ان الـ eSIM راح تقلل التأثير البيئي للشريحة العادية.
كل اللي تحتاجه بس تزور أحد مراكز المبيعات (مراكز مبيعات زين) في بغداد وتشتري eSIM جديده.
حتى تكون خطوات العملية سهلة وبدون تأخير، لازم تكون وياك مستمسكاتك الخاصة: هوية الأحوال المدنية أو البطاقة الوطنية أو جواز السفر، وبطاقة السكن هذه المستمسكات راح تضمنلك تفعيل الشريحة بصورة صحيحة.
بعدما تكمل العملية، راح تگدر تستخدم الـ eSIM مباشرة
iphone، Samsung، Huawei، Google، وغيرها
1. اگدر اغير جهازي واحول الـ eSIM على الجهاز الجديد؟
راح تگدر تستبدلها بالشريحة العادية فقط
2. شلون احصل على رمز الـ QR إذا ضاع؟
تگدر تطلب استبدال شريحه من خلال تطبيق اوودي وتبدل الـ eSIM بشريحه عاديه.
3. في حال صار “إعادة ضبط المصنع” بالجهاز، راح تنمسح اعدادات الـ eSIM؟
أكو عدة خيارات لاعادة ضبط المصنع. إذا كانت من ضمنها مسح اعدادات الشريحة، راح تكون بعدها الشريحة ما مربوطة بالجهاز ولازم تسوي مسح لرمزالـ QR حتى تضيفها مرة ثانية لنفس الجهاز، اما اذا كانت اعدادات الشريحة محفوظة، إعادة ضبط المصنع ماراح تأثر على الشريحة.
4. أگدر استخدم شريحتين الكترونية eSIM؟
تگدر تضيف أكثر من شريحة للجهاز، بس راح تگدر تستخدم شريحة الكترونية وحدة ويه الشريحة العادية بنفس الوقت.
5. كم eSIM يگدر نفس الشخص يستخدم؟
يگدر كل شخص يخزن أكثر من eSIM بجهازه، واكو أجهزة تدعم استخدام أكثر من eSIM بنفس الوقت وبعض الأجهزة تدعم استخدام eSIM وحدة، بس راح تگدر تستخدم وحدة بكل مرة وتسوي استبدال بينهم
6. الخدمات العادية وخدمة التجوال تشتغل على الـ eSIM؟
كل الخدمات المحلية والتجوال تشتغل في حال اشتريتeSIM جديده.
7. الأجهزة اللي تدعم شريحتين تدعم الـ eSIM؟
هذا يعتمد على مواصفات جهازك، لازم بالبداية تتأكد انه جهازك يدعم هذه الخدمة من خلال الاعدادات.
8. اگدر استخدم الـ eSIM على ساعة Apple؟
حاليا مو ممكن، هذه الخدمة ما مدعومة بالعراق على الأجهزة المحمولة
9. أگدر اغير شريحتي العادية الى eSIM؟
حاليا استبدال الشريحة العادية بشريحة eSIM غير متوفر، نعمل على توفيره بأسرع وقت
10. شگد سعر الـ eSIM؟
سعر الـ eSIM هو 10,000 دينار فقط.
